Lockdown dan bawhchhiate sum chawi aṭangin Manipur-in Rs vbc 1.10 chuang hmuchhuak tawh

Manipur police depart­ment chuan Covid-19 hri leng vanga an state-a lock­down puan a nih hnuah, dan bawhchhiate sum chawi tir aṭanga sum an hmuh chhuah chu Rs  1,01,08,950 a tling tawh tih an sawi. 

March 24 aṭang khan Manipur bakah rampumah hripui leng vangin lock­down puan ṭan a ni. 

Hemi hnu hian lock­down thlahdul a nih hnuah pawh khuahkhirhna hrang hrang siam chhunzawm zel a ni. Police-te chuan lockdown, curfew leh khuahkhirhna dan palzut mi 81,702 leh  motor 51,833 man a ni tih an sawi. 

Manipur-ah hian district 16 a awm a, heng zingah Bishnupur district chu dan bawhchhia sum chawi tamna ber niin, police-te chuan Rs  27,97,590 an hmu chhuak a ni.  Thoubal district police-ten Rs 27,03,320 an hmu chhuak bawk. Hetih lai hian Pherzawl district-ah chuan dan bawhchhia chawitir an awm lo thung.