Naga zirlai pawlin AFSPA sut turin an ngen

Naga Students' Federation (NSF) chuan tunhnaia sorkar laipuiin Armed Forces Special Powers Act (AFSPA), Nagaland chhunga district pariat leh police station 21 huam chhungah hman chhunzawm tura a puang chu an duh loh thu an tarlang. Nagaland chhungah hian AFSPA hi September 30, 2024 thleng hman tura pawhsei a ni.

Naga zirlai pawl chuan AFSPA dan hmanna huam chhungah mimal dikna chanvo palzut a nih ṭhin thu an sawi. Heng bakah hian thuneihna hman sual leh dan rorelna hmachhawn loa thil sual tia ngaihte thah pawh AFSPA hmanna laiah chuan a hluar hle niin an sawi bawk. NSF chuan AFSPA hman hun chhung pawhsei a ni chu Naga mipuite chanvo leh hmathlir rahbehsakna a ni tiin, sorkar laipui chu a thupek hi sut leh turin an ngen. Zirlai pawl hian dawhkan khat kila Naga mipuite tana thil ṭha ber sawi pui turin sorkar laipui chu an sawm bawk.

NSF hian khawvel ram hrang hrang leh mimal dikna chanvo humhimtu pawl hrang hrangte chu Naga mipuite'n AFSPA an dona kawnga thlawp turin an ngen. Nagaland chu rahbehna leh sipai hmanga awpbehna hnuai aṭanga a chhuah hma chu beidawn an tum loh thu sawiin, an thusawi ngaithlaa an zalenna zahsak an nih theih nan hma an la zel dawn tih an sawi.