NFR in special train pahnih tlan belh tir

Northeast Frontier Railway (NFR) chuan special train pahnih a tlan belh tir. 

Special train pakhat hi nimin aṭang khan Howrah-Guwahati–Howrah-ah tlan tir ṭan a ni a, pakhat dang chu October 8 aṭangin Silchar-Trivandrum-Silchar ah tlan tir a ni ang.

NFR Chief Public Relations Officer, Subhanan Chanda chuan special train pahnih tlan belh tir hi Assam leh hmarchhak state danga khualzinte tan a ṭangkai dawn hle tih a sawi. Rel pahnihah hian   1st AC, 2nd AC, 3rd AC, Sleeper class leh general 2nd class accommodation a awm dawn a ni. 

Howrah-Guwahati–Howrah hi nitin tlantir a ni dawn a, Silchar-Trivandrum-Silchar chu Ningani apiangah Silchar aṭanga chhuakin, Trivandrum aṭangin Thawhlehni apiangah a chhuak thung ang. 

Nimin aṭang khan Trpiura-ah DEMU (diesel electric multiple unit) rel pathum tlan tir ṭan a ni bawk a, hetihlai hian  AC special train chu New Delhi-Agartala inkarah kar khatah ṭum khat tlan tir a lo ni tawh bawk.