Tripura-ah ramdang mi dan loa ramri kânpui ṭhin an man

Tripura-a Government Railway Police (GRP) chuan Matinagar, West District aṭangin ramdang mite ramri kânpui ṭhintu ni ngeia hriat hmeichhe pakhat an man.

Government Railway Police Station, Officer-In-Charge, Tapas Das chuan thubuai theh luh an bawhzuinaah mi paruk an man tih sawiin, heng zingah hian Parul Akhter, Bangladesh mi chu chhui chianna aṭanga a lan danin pawikhawihtu ni ngeia an hriat thu a sawi. Das chuan Akhter man a nih theih nan hian Tripura Police leh Border Security Force (BSF) te an thawk dun tih a sawi.

Das chuan an mi man hian Bangladesh mite leh Rohingya raltlante chu ramri a kânpui ṭhin tih sawiin, ramri hungna bul hnai taka khawsa a nih thu an sawi bawk. Ramdang mite hi ramri a kânpui bakah tawm hulna leh ei tur a ngaihtuahsak ṭhin niin a sawi bawk. GRP hian tunhnai khan Bangladesh mi 50 vel India rama rawn luh ruk tumte chu Agartala Railway Station-ah an man bawk a ni.