Khawpui fai zawk neih theih nan IIT - Guwahati in marathon buatsaih dawn

Indian Institute of Technology - Guwahati chuan khawpui fai zawk neih theihna tura hmalakna pakhat atan, Guwahati Half Marathon’ chu April 7-ah an buatsaih dawn a, thupui atan ‘Run For A Cleaner Tomorrow’ chu hman a ni ang.

Guwahati hi tunhnaia IQAir in World Air Quality Report 2023 a tihchhuahah khawvel khawpui zinga boruak bawlhhlawh ber dawttu a nih thu an tarlang a ni.

Half marathon hian a tum ber tur chu Guwahati khaw chhungin faina kawnga hmasawn a mamawhzia tarlan a ni. Marathon-a telte tan khawpui chhung a fai theih nana tha an thawh ve theihna turin remchang siamsakna a ni bawk. Marathon hi IIT-Guwahati-in kum tina an buatsaih ṭhin 'Techniche' an hmanna a event pakhat zinga mi a ni.

Samyak Sharma, Techniche convener chuan Techniche chu rah chhuah ṭha zawk a awm theih nana buatsaih ṭhin a nih thu sawiin, half marathon an buatsaih tur pawh hian faina ngaihsak kawngah nghawng ṭha zawk a neih ngei a beisei thu a sawi. Sharma chuan mipuite chu he huna tel turin a sawm a, Guwahati chhung mai ni loin India ram hmun hrang hrang aṭangin hetiang lama tui mite chu telpui turin a sawm a ni.