Meghalaya social organisation-ten Delhi-a nawrh huaihawt inpeih

Meghalaya-a Confederation of Meghalaya Social Organisation (CoMSO) chuan an state-a Inner Line Permit (ILP) system hman an phut chungchangah, state chhunga political leader-ten hma an lak ṭhat tawk loh chuan Delhi-ah ILP phuta nawrht huaihawt mai an inpeih reng tih an sawi.

CoMSO hruaitute chuan Meghalay Speaker Metbah Lyngdoh hmuin, ILP hman an duh chungchangah sorkar laipui nawr chak turin an ngen. Hei bakah hian Meghalaya Residents Safety and Security Amendment Act (MRSSA) chu pawm turin Governor an ngen bawk. 

Speaker hnenah hian ILP chungchangah an inthurual zia lantirna atan state MLA 60 te chu an vaiin emaw, all-party team anga insiamin emaw prime minister Narendra Modi leh union home minister Amit Shah-te hmu tura an duh thu an hrilh tih CoMSO chairman Robretjune Kharjahrin chuan a sawi. 

Kharjahrin chuan CM emaw, minister dangte emaw pawhin Delhi-a ILP nawr chungchangah kalpui tura an sawm a nih chuan an pawl chu kal peih turin an inpeih reng tih a sawi bawk a ni.