Tripura tan Sum pe chhuak hnem

India tourism ministry chuan Tripura sorkar hnenah tourism hma-sawnna atan cheng vai-belchhe 18 a ruahman sak.

Tripura Tourism Minis-ter Ratan Bhowmik chuan tunhnai khan Union tourism ministry aṭangin tourism tihchangtlun nan hian vaibelchee 18 pek an nih tur thu a sawi a, sum hi 20% an dawng tawh tih a sawi bawk. Heng sum hmang hian Agartala-Akhaura project kalpui a ni, a ti.

Tourism ministry hnuai-ah hian Swadesh Darshan scheme kalpui a ni bawk a, he scheme hnuaiah hian Tripura chuan vaibelchhe 99 a dawng dawn a, tourism project hrang hrang kalpui a ni ang. Sum hmang hian mini-stadium, open theatre, cafeteria leh Agartala-Akhaura border te din a ni ang. Tripura Public Works Department (PWD) chuan project hi a kalpui dawn a ni.

Agartala-Akhaura check post hi India rama a lian ber dawttu a ni dawn a, Benapole-Petrapole post West Bengal ami chu a lian ber a ni.