Arunachal CM office-ah ramri chungchang sawiho

Arunachal Pradesh Chief Minister Kalikho Pul chuan an state chu Indian Army nen thawhhona tha tak an nei niin a sawi a, hei hian ramri ven leh tihchak kawngah nasa takin a pui niin a sawi bawk. Chief Minister hian Inrinni khan Lieutenant General Devraj Anbu, Corps Commander, 4 Corps te nen a office-ah hemi ramri chungchang hi an sawiho a ni.

Pul chuan Army te chu chhiat tawh thulhah an ṭangkaipui thin thu lo hrilhin kan tlamuan pui tak zet a ni a ti. CM hian Ministry of Road Transport and Highways hnuai awm Joram-Koloriang leh Demwe-Hawai te chu Border Roads Organisation hnenah hlan tum mek a ni thu a sawi bawk. Pul hian ramri chungchang chu Prime minister leh Home minister hnenah harsatna an tawhte thlen a ṭul thu a sawi a, ramri depa awm an nih vangin ngaisak an mamawh niin a sawi bawk.

Corps Commander hian Tawang district-a interior pocket chu interna-tional border hnaiah awm a nih vangin aa, CM chu Jangda-Thingbu inkara Tawang Chu-ah lei dawh a ṭul thu a hrilh a ni.

He tih lai hian Arunachal Pradesh Governor JP Rajkhowa chuan Comman-der 4 Corps, Lt. General D. Anbu, AVSM, YSM, SM te chu in thianthana tha zawk nei turin a lo rawn ve mek bawk.

Lt. General D. Anbu state him tlanna chu a pawimawh tih sawiin Arunachal Pradesh western sector chu ngaivben zual ngai a nih thu a sawi. He meeting-ah hian chhiatna a thlen thulha venhimna bakah inkalpawhna te sawiho a ni.