Meghalaya CM-in Lei a hawng

Meghalaya Chief Minister Mukul Sangma chuan West Garo Hills huamchhunga Dilni lui-a suspension bridge, Banduraja lehBetasing C&RD block headquarters inkalpawhna lei dawh chu Inrinni khan a hawng.

Mukul Sangma chuan lei hawn theiha zawh fel a ni ta chu lawmawm a tih thu a sawi a, mipuiten
ṭangkai taka an hman a duh tih a sawi. Chairperson, Meghalaya Resources & Employment Generation Council, Dikkanchi D. Shira, local MDC Nri-pendro Koch, district official leh mipawimawh dang te chuan he hun hi an hmanpui a ni. Lei hi Border Area Development hnuaia Special Infrastructure Development Fund (SIDF) 2012-13 sum hmanga siam a ni.

Thu a sawinaah hian Chief Minister chuan sorkar laipui beiin hmarchhak hmasawnna ngaihsak tawk lohah a puh. "Sorkar kan hrawn mek hian hmarchhak a ngaihthah hle a, Special Category status pek kan nihna chu engmah lo mai a ni", a ti.