Northeast Railway Budget atan Vaibelchhe 5,340 dah

DoNER Minister Dr Jitendra Singh chuan NDA sorkarin Northeast Railway Budget atan cheng vaibelchhe 5,340 a dah, a ti. Hei hi kum kalta 2009-10 leh 2013-14-a UPA sorkarin a ruahman vaibelchhe 2,121.6 aiin a tam lawrlak tih a sawi a, NDA sorkar hnuai-ah 2014 - 2016 chhungin vaibelchhe 5,316.3 dah a ni,a ti bawk.

Dr Jitendra Singh chuan hmarchhak chu high priority pek an ni a ti a, Prime Minister Narendra Modi-a sorkar chuan hmarchhak hmasawnna chu a ngaipawimawh tawk tih a tichiang hle a ni, a ti. Rel kawngpui chu hmarchhak bialah hian siam chhunzawm zel a ni a ti a, Meghalaya leh Arunachal Pradesh te chu Rail map of India-ah telh a ni,a ti bawk.

Ministry of Railways chuan Akhaura-Agar-tala-Bangladesh atan vaibelchhe 580 a ruahman thu sawiin ramri pawn lam chu Ministry of External Affairs-in senso hi a tum dawn a ni,a ti. Dr Jitendra Singh hian rel kawng lian chi siam mek tihkhawtlai chu 2015-16 chhung khan km 500 chuang zawhfel a ni tih a sawi. February 20, 2016 khan Agartala ami chu hawn niin Mizoram pawhtu Kathakat-Bhairabi chu hawn a nih thu a tarlang bawk. Heng bakah hian hmarchhak hmasawnna turin hma lak mek a ni a, motor kawngpui bakah tuipui kal tlanga inkalpawhna tur te siam turin hmalak mek a ni.

Heng zawng zawng hian hmarchhak tan hmasawnna a thlen ngei dawn a, tourism-ah pawh nasa takin nghawng a nei dawn niin Singh hian a sawi.