Online Skill Games Legislation hmasa ber Nagaland
Dodalna tam tak karah Nagaland chu India ram state zinga online skill games legislation hma-sa ber a ni ta. Nagaland Governor P.B. Acharya chuan bill hi a pawmpui ta a ni.
Nagaland Prohibition of Gambling and Promotion and Regulation of Online Games of Skill Bill, 2015 chu tunah chuan danpuitling (Act) a ni ta a ni. He dan hnuaiah hian online games khelh phal chin chu tarlan a ni a, chungte chu chess, Sudoku, poker, rummy, cricket, football leh fantasy sports league te a ni.
Nagaland Prohibi-tion of Gambling and Promotion and Regulation of Online Games of Skill Bill, 2015 hi hman nghal a ni dawn lo a, thla thum hnu velah hman ṭan theih tura ruahman a ni.
Jay Sayta chuan he dan hnuaiah hian online gaming website te chuan license an dil thei dawn a, anni hian heng game aṭang hian chhiah an la thei dawn a ni. Odisha leh Assam tih loh state dangah chuan heng game te hi khap a ni hran lo a, sum hailuh nana hmang en emaw zat an awm. India danpuiin state hrang hrangte insumdawn tawn a phalsak ang bawkin he dan hnuaiah hian a duh tu hnenah license hi pek chhuah theih a ni.
Online Skill Games Bill hi Nagaland Legislative Assembly chuan kumin March 18 khan a lo pass tawh niin Governor-in a pawmpui hnuah dan puitling a ni ta a ni.