Meitei-ten ST Status an phut

Manipur-a Meitei Scheduled Tribe Demand Committee (STDC) te chuan May 22 hian an Sche-duled Tribe status pek an phutna tihhlawhtlin nan nawrh huaihawt an tum. Hetihlai hian Manipur-a hnam ṭhenkhat chuan Mei-tei ten sorkar hna an beisei-na chi khat niin an sawi.

Manipur assembly-in August 31, 2015-a “anti-tribal” a pass hnu khan mi tam tak chuan an duh loh thu an au chhhuahpui a,a bikin tribal hote chuan an dodal nasa hle. Chief Minister Okram Ibobi chuan anti-tribal bill nia an sawi chu ram leilung fate humhalhna tur zawk a ni tiin, hriatthiam loh tur a awm loh thu a lo sawi tawh. Mahse tribal hnam tam tak chuan an duhlohna an lantir ve reng a, sut leh tura nawrna pawh a nasa hle.

STDC coordinator S. Robindro chuan an thil phut chu Article 342(1) of the Constitution hnuaia Scheduled Tribe zinga telh a ni a ti a, hemi tur hian an beizel dawn a ni, a ti. Manipur hmun tam zawk hi Meitei te hian an luah a, an ram sq km 22,327 chu an luah a ni.