NIT Sikkim zirlaiten App thar siam

National Institute of Technology (NIT), Sikkim-a engineer zirlaite chuan leimin tur hriatlawk theihna Application an siam chhuak thar. He application hmang hian a bikin Sikkim leh Darjeeling velah te chuan motor-a an chuan laiin leimin awm tur chu an hre lawk thei dawn a ni.

Application hi Sikkim Governor Shriniwas Patil chuan a tlangzarh a, a hmingah ‘Companion’ vuah a ni a, Sikkim leh Darjeeling-ah te hman nghal theih a ni ang. Rajat Bharadwaj, Mohammad Asad, Romil Tiwari, Aditya Arya leh Vikash Singh te chuan 'Companion’ hi an buaipui a, Border Roads Organisation Sikkim leh Department of Roads and Bridges Sikkim ten an thawhpui a ni. ‘Companion’ hi traffic leh leiminah te a hman tlak viau tura ngaih a ni.