Arunachal politics buai chhanah Modi puh

Arunachal Pradesh Congress Committee (APCC) chuan an state politics buai chhanah Prime Minister Narendra Modi chu a bultumtu a nih thu an sawi. Arunachal Pradesh-ah hian Congress chuan sorkarna an siam a, nimahsela an MLA eng emaw zat chu Nabam Tuki sorkar lakah hian helin Presidents' Rule puan a ngaih phah hial a ni. Sorkar chu rorel chhunzawm theiloin paih thlak a ni a, congress MLA hel zinga an hruaitu Kalikho Pul chu chief minister thar atan lakluh a ni. Tunah hian BJP chuan Arunachal Pradesh-ah hian sorkarna siam tumin hmna an la leh mek niin sawi a awm a, sorkar thar a pian leh mai mi tam tak chuan an ring. Heng politics buaina zawng zawng hi BJP hruaitu lawk Narendra Modi-a thil tih vang niin Congress chuan a ngai a ni.