LAEF te police kutah inpe

20th April, 2016

Meghalaya-a helpawl, Liberation of Achik Elite Force (LAEF) khaipa Mathew G Momin, depu-ty Ravan Basumatary bakah midang pali te chu Pathiahnni khan North Garo Hills (NGH)-a Dai-na-dubi outpost-ah an inpe.

Meghalaya sorkar chuan sorkar laipui puihnain hel dapchhuah hna a thawk mek a, tun hnaiah GNLA leh LAEF mi leh sa eng emaw zat an man tawh a, hel zingah hian police kuta inpe an awm nual bawk.

Pathianni khan LAEF commander-in-chief Mathew G Momin chu police kutah a inpe a, a rual hian midang pawh an inpe ve bawk. AK 47 rifle, shotgun leh pistol pahnih bakah silaimu
ṭhahnem tham tak chu police kutah hian an hlan tel. LAEF commander-in-chief Augustine Marak chu tun hnai khan police te nen an inkahna-ah kahhlum a lo ni tawh nghe nghe a ni. Police te chuan hel dap chhuah hna hi an thawh zel tur thu an sawi a, mipuite chu thawhpuiah an sawm a ni.