China-a film chhuah tur zingah “Songs of the Blue Hills”

Film siam thiam avanga National Award hial lo dawng tawh Utpal Borpujari-a documentary siam “Songs of the Blue Hills” chu China-a musical institution Central Conservatory of Music-a chhuah tura sawm zingah a tel. He Documentary film hi Naga folk music lam hawia siam a ni.

Beijing-a hmunpui nei musical institution Central Conservatory of Music hi an theuneu lo hle a, Oscar te pawh an lo dawng tawh a ni. Music bikah Grammy leh BAFTA-ah lawmman dawng pha ngat an ni. Ang Lee’ film-a an original music“Crouching Tiger, Hidden Dragon” bakah “Hero” chu mite hriat lar an ni. Ṭum li zet Grammy nominee ni thei Wu Man, Zhao Jiping bakah hian Zhang’s “Red Sorghum” leh “Farewell, My Concubine” te chu an kut chhuak vek a ni.

Film chhuah tur te hi Conservatory faculty leh zirlaite chuan an thlifim leh ang. Borpujari chuan a tak ram la thleng lo mah se a phurawm tawh tak zet a ni a ti a, India mai nilo a bik takin hmarchhak film industry tan thil chhinchhiah tlak tak a ni, a ti. "Ka kut chhuak pho chhuah tur zinga chhawp chhuah zinga a tel hi chawimawina ropui tak a ni, khawvel huap pawha lang phak an nih avangin a ropui zual a ni. Hmarchhak chu cultural danglam tak kan ni a, a bik takin Nagaland chu an danglam bik a ni", a ti. “Songs of the Blue Hills” hi International Film Festival of India (IFFI) 2014-ah te khan chhuah a lo ni tawh a, hei bakah hian international film festivals Europe, United States, China leh India-ah neih a ni ṭumin chhuah a lo ni tawh bawk.

Kum 1940 a din Central Conservatory of Music hi China-a Prince Chun of the Qing Dynasty hun laia din kha a ni a, musical institution hrang hrang National Conservatory of Music, the Peking National School of Fine Arts, leh a dangte a awm a ni.