AP-ah bawlhlawh paihdan mumal zawk kalpui dawn

Arunachal Pradesh UD & Housing Department chuan May 1 aṭangin an chhungkaw tinte chu an kawtkaiah bawlhhlawh a khawnsak tawh dawn. Nilaini khan UD Confe-rence Hall-ah Commi-ssioner Belatee Pertin hoin meeting neih a ni a, thutlukna hi an siam ta a ni.

Hmalakna hi mumal taka kalpui tum a ni a, thla tin report siam ṭhin a ni dawn a, hetah hian hmasawnna awm leh harsatnate tarlan ṭhin a ni ang. Ruahman dan chuan DUDA chuan Audit a nei ṭhin dawn a, chu report chu Chartered Accountant ten an enpui ṭhin dawn a ni. Commissioner (UD) Pertin chuan hemi chungchang hi Divisional Officer te a sawipui tawh a, harsatna awm thei ang te an sawiho a ni.

Hei hian nasa takin mipuite harsatna a sutkian bakah hriselna atan a thil ṭangkai tak a ni a, faina kawngah rah ṭha a chhuah ngei an beisei thu an sawi bawk. Chief Engineer-cum-Director (UD&H) chuan hmalakna turin a thil tum inzirtirna leh inhrilhna hun a buatsaih a, Deputy Director te leh UD Division te chu he hunah hian an tel a ni.