Tinsukia buaina-ah hliam 11 an awm

Assam-a Tinsukia-ah buaina chhuakin, mi 11-in hliam an tuar a, bomb tihpuah a ni bawk.

Police official chuan Ningani khan bomb hi bawlhlawh bawm-ah kam a ni a, kalsan a nih hnuah puak zuiin, mi 11-in hliam an tuar tih a sawi. Hliam zinga pathum te hi an dihmun a ṭhalo hle a, damdawi-in panpui nghal an ni. Guijan district-a Thingpui huan neitute te chenna hmunah hian Nilaini zan aṭang khan buaina hi a inṭan nia sawi a ni.

Police te chuan Podu-moni-a Thingpui huan neitutVivek Agarwal chuan nikum khan ULFA(I) te hnen aṭangin sum pe tura thupek dawngin, Agarwal hian a pe lo niin an sawi. Buaina chhuah chhanah hian ULFA(I) mi leh sa thah a nih vang nia rin a ni. Security force te chuan Nilaini khan ULFA(I) te hi kapin sergeant major Rongmon Asom alias Mekuri chu Tinsukia district-a Talpathar khua-ah an kaphlum a ni. Helai bial velah hian thingpui huan neitute leh hel te inkarah hian buaina vawi eng emaw zat a chhuak tawh a, mi tam takin nunna an chan tawh a ni.