RSZ ten Tseminyu District pek thlawp

Nagaland-a Rengma Selo Zi (RSZ) te chuan Rengma Hoho ten Tsemi-nyu district pek an phutna chu an thlawp tih an sawi.

RSZ president Kenneth Kath leh general secretary Shatilo Kent te chuan Nagaland chu state puitlinga hlankai a nih hnuah Rengma-te chu ngaihthah a ni tih sawiin, sub-division hlun ber te zinga mi a ni an ti a, sorkar chu district pe ngei turin an kar.

Kum 2011 Census-a a landan chuan Tseminyu sub-division-ah hian mihring 56,844 awmin, thingtlang khua 39 bakah town pathum a awm a, RD block bakah outpost te pawh helai huamchhungah hian a awm a ni. RSZ te hian Tseminyu chu District pek phu tak niin an sawi a, hmasawnna pawh chak zawka kalpui theih an beisei thu an sawi. Hetih lai hian RSZ te chuan Rengma tribe te tan district hran siam sak chu tha an tih thu an sawi bawk.

District pek phut hian Tseminyu leh a huamchhunga mipuite chuan sorkar an nawr reng a ni.