Bangladesh-in Meghalaya nek chep

Meghalaya Border Area Deve-lopment Welfare Association (MBADWA) tarlan danin ṭhenawn ram Bangladesh chuan India chu ramriah a nek reng a, tunah hian Meghalaya state huam chhung metre 200 zet chu a ramah a rinlut tawh niin a sawi.

MBADWA chuan Bangladesh hian East Jaintia Hills (EJH) district-a Umpyrchin, Lahalein leh Huroi te chu ramriah hian a nek reng a, zawi zawiin a lak belh zel niin a tarlang. He mi chungchang hi MBADWA chuan EJH district Deputy Commissioner an hriattir tawh a, hmala thuai turin an ngen a ni.

MBADWA president Lakhon Lamin chuan Bangladesh hian ramri-a pillar number 1315, 1316, 1317 te chu tunah hian an ramah a rinlut tawh a ni, a ti. Ṭhenawm ram chet dan hi ngawihbo pui mai chi a ni lo tih sawiin, ram humhim chu state tan mai ni lo, Indai ram tan a ṭul a ni, a ti. He mi chungchangah hian inbiakna a awm lo tih sawiin, thuneitute chu hma la thuai turin an ngen tih Lakhon Lamin chuan a sawi.

Lamin chuan helai hmun hi an tlawh tawh tih sawiin, Umpyrchin-ah chuan ramri chhinchiahna hi siam danglam a ni a, feet 200 zet chu Bangladesh hian a ram chinah a rinlut a ni, a ti bawk. Ramri-a thing phun ṭhenkhat chu tih chhiat a ni bawk tih sawiin, thuneitute hriattir an ni tawh a, hmalak thuai a ni ang,a ti.