RS member atan Mary Kom nominate

Manipur boxer chhuan-vawr leh India ram tan pawha vawi tam tak lo fehchhuak tawh, M C Mary Kom chu Rajya Sabha member atana nominate paruk zingah a tel a, kar kalta Zirtawpni khan President Pranab Mukherjee chuan member nominate hi a pawm.

Sorkarin Rajya Sabha member a nominate zingah hian economist leh National Advisory Council member hlui Narendra Jadhav, journalist Swapan Dasgupta leh Malayalam actor Suresh Gopi pawh an tel.

Upper House-a member nomination hi kawng hrang hranga thawk ṭhate tana duan niin, hemi pual bik hian seat 12 dah a ni. Tunah chuan heng seat 12 zinga seat pasarih hi a la awl a, hemi hnawhkhah nan hian mi parukte hi nominate niin, seat khat chu a la ruak a ni. He seat atan hian sorkar chuan a duh hunah member tur a nominate thei a, seat dang angin inthlan buatsaih a ni ve lo.