AP-ah health delivery system kalpui dawn

Arunachal Pradesh-a Department of Health and Family Welfare chuan health delivery system kalpuin turin hma a la mek a, he mi hnuaiah hian hnaruak 2,541 lai a awm dawn nia tarlan a ni.

Post 2,541 awm tur zingah hian Rheumatologist, Neurologist, Nephrologist, Gastroenterologist leh Endocrinologist-ah te Super Specialists panga lak a ang. Heng bakah hian Junior Specialists, Dental Specialists, GDMOs, Drug Inspectors leh Staff Nurses eng emaw zat lak an ni dawn a ni. Chief Minister Kalikho Pul chuan heng te hi General Hospitals, District Hospitals, CHCs, PHCs leh state chhunga Sub-Centre hrang hrang-ah te dan an nih tur thu a sawi. Chief Minister hian Department of Health & Family Welfare hnuaia hnalak tur te hi kumin chhung ngeia lak fel an nih tur thu a sawi bawk.

Non-technical post bik hi district wise-a kalpui tur a ni dawn a, hnaruak awm zat leh health unit awm dan a zira lak a ni ang. Doctor leh nurse sawn chhuah leh dah chungchang chu mamawh dan a zir a siam rem a nih tur thu Pul chuan a sawi bawk. He mi chungchang-ah hian Departmental Promotion Committee chu ngaihchan an nih tur thu sawin, seniority-a kalpui a ngai dawn niin a sawi bakah, an state chhunga sorkar hnathawk te chu sorkar thu nghaichang thiam tur leh thupek zawm ṭha turin a chah a ni.