V K Rajawat-an AP a tlawh

Ministry of Road Transport & Highways of North East Region, chief engineer V K Rajawat chuan ni khat chamin Arunachal Pradesh a tlawh a, sorkar mi pawimawhte a kawm.

Rajawat hian sorkar laipui chuan Itanagar - Banderdewa Highway 4-lane-a siam a rem tih thu Chief Minister Kalikho Pul a hrilh. Prime Minister leh Minister of Transport and Highways te chuan an remtihpui tawh tih sawiin, khawpui chhungah fly over siam tura hmalak a nih thu a hrilh bawk. Project hi state sorkar chuan September aṭangin a kalpui theih a rin thu a sawi a ni.

Arunachal Pradesh chu ramri depa awm a nih avangin kawng hranga hmasawnna kalpui a ngaih thu sawiin, Rajawat chuan sorkar laipui pawhin ramri depah hian kawngpui Joram - Koloriang leh Dimwe - Hawai-ah te siam tumin hma a la mek a ni, a ti. Chief Minister Pul ngenna angin Border Road Organizations (BRO) chu meetingah hian sawm an ni a, Minister of Transport & Highways chuan a telpui bawk.