Nagaland CM-in Lifetime Achievement Award dawng

Nagaland Chief Minister TR Zeliang chuan Global Leadership Awards 2016 semah ‘Lifetime Achievement Award' a dawng.

He award hi Pullman Bali Legian Nirwana Hotel, Indonesia-ah Inrinni khan sem a ni. Leaders International, business magazine, American Leadership Development Association (ALDA), leh US NGO te buatsaih a ni.

Chief Minister TR Zeliang hi hruaitu a nihna kawngah leh a hnathawh ṭhat avang-in he chawimawina hi hlan a ni. He award a dawn hnu hian Zeliang chuan Sultan Sulaiman bakah Prince of Selangor te chu a hmu nghal a, sumdawnna kawnga hmalakna tur te a sawipui a ni. Anni bakah hian Nagaland Chief Minister hian Institute of Darul Ridzwan CEO Dr Mazlan, Malaysia Economic and Political Research, bakah Economic Advisor to the King of Abu Dhabi, Princess Badaria te a kawm bawk a ni. Zeliang hian India sorkarin India’s Act East policy a kalpui mekah hmarchhak chuan hmabak eng tak a neih thu sawiin, sumdawnna corridor pawimawh tak a la nih tur thu a sawi a ni.