Assam Nagaon district-in award dawng

Assam-a Nagaon district chu India rama scheme hrang hrang kalpui ṭha zingah thlan chhuah a ni ve leh ta. Heng sorkar laipui scheme Swachh Bharat Abhiyan, Swachh Vidyalaya Abhiyan, Pradhan Mantri Jan Dhan Yojana leh Health Card-ah te hian a kalpui tha hnenah award hi hlan ṭhin a ni.

Prime Minister Narendra Modi chuan Vigyan Bhawan, New Delhi-ah Zirtawpni khan he award hi Nagaon Deputy Commissioner Adil Khan hnenah a hlan. Nagaon district hian 100% a ṭhain Pradhan Mantri Jan Dhan Yojana chu a kalpui nia tarlan a ni, award hian memento bakah cheng nuai 10 a keng tel a ni. Pradhan Mantri Jan Dhan Yojana scheme hnuaiah hian Nagaon mipui 7,06,785 zet chuan National Bank-ah te account an nei tawh a ni.