Tripura : Eng neih ṭhat nan a ṭul lai thawm ṭhat hna kalpui

Tripura State Electricity Corporation Limited (TSECL) leh Tripura Power Transmission Limited (TPTL) thawk dun chuan fur lo thleng tur atana inpuahchahna kawng khat atan, state chhunga eng pek chhuahna kawnga siam ṭhat ngaite siam nan nuai 16 chuang dah hran a nih thu an tarlang.

TSECL General Manager-Technical, Swapan Debbarma chuan fur laiin state chhungah eng ṭha taka pek chhuah a nih theih nan ṭan an lak thu a sawi a, hetiang lama thuneitu hrang hrangte nen inhmuh khawmna an neih tawh thu a sawi. Debbarma chuan February aṭang khan thawm ṭhat hna hi an thawk ṭan tawh, a ti bawk.

Debbarma chuan pawisa mai bakah lirthei 400 leh hnathawktu 1830 chu thawm ṭhat hna thawk tura tirh chhuah reng an ni a ti a, hengte hian power line bula thingzar thlakte, thirban tun ṭhat leh electric wire bung zawm ṭhat hna an thawk a ni. TEECL thuchhuah chuan February 16 aṭanga hnathawh ṭan niin April thla ral hma ngeia an tihturte zawh fel theih an inbeisei thu an tarlang.