Helpawlin Assam a tihbuai hun lai a liam tawh : Assam CM

Assam chief minister Himanta Biswa Sarma chuan an state chhunga helna leh helpawl awm ṭhin hun lai chu a liam mek niin a sawi. He thu hi Charaideo-a public meeting a neihnaah a sawi a ni.

Chief Minister Himanta chuan BJP kaihhruai sorkar laipui chuan remna leh muanna a awm theih nan inbiakna an nei reng niin a sawi a, hengte avang hian hmasawnna an hmu niin a sawi bawk. Hun liam taa inhmuh khawmna leh mipui pun khawmna helpawlin an beih vanga bomb puak, nunna chân leh venghimtu tam tak awm ṭhin chu BJP sorkar hnuah a tlahniam tawh hle a ni, a ti.

Assam CM chuan thil inthlakthleng chak dan chu mak a tih thu sawiin, Tinsukia leh Dibrugarh mai ni loin Karbi Anglong leh Assam chhak lamah hel an vâng tawh hle niin a sawi. Prime minister Narendra Modi kaihhruaina hnuaiah Assam chu a ralmuang tawh hle a ti bawk.