Sikkim : India sipaite'n ralthuam an en chhin

Indian Army, Trishakti Corps chuan Sikkim hmun sang laiah Anti-Tank Guided Missile (ATGM) an en chhin. Ralthuam en chhinna hi Sikkim-ah pawh a tlang sang lamah neih a ni a, ft 17,000 a sangah neih a ni.

Sipaite'n ralthuam en chhinna hun an neihah hian Eastern Command hnuaia sipaite an tel ṭha hle a, indo nunchan chu a tak ang thei ber turin an zir a ni. ATG missile-te hi indona hmunah an ṭangkai hle a, indonaa lirthei kah chhiat nana hman ṭhin an ni. Tlang sang leh hmun rualrem lo laia indonaah an hmang ṭangkai hle bawk. Tuna Sikkim tlang sang laia an en chhin chhan pawh hi hmun sangah a rintlak em tih an fiah duh vang a ni.

Trishakti Corps hian a tak ang thei ber turin indo nunchan hi an zir a, thil che lai leh che lo kah nan ATG missile-te hi an hmang a ni. An ralthuam en chhin hi a hlawhtling thawkhat hle a, hmun sang leh rualrem loah pawh a hmantlak dawn hle tih an tarlang.