Hmarchhak state zinga PCI sang ber Sikkim

Sikkim chu India Ratings and Research (Ind-Ra)-in report a tihchhuahah hmarchhak state zinga chawhruala mi pakhatin sum a lak luh (per capita income) sanna ber state niin India ram pumah pahnihna a ni bawk.

Sikkim-ah hian kum 2023 khan mi pakhatin Rs. 6,470 la lut ang zela chhut niin a sang ber, Goa-ah mi pakhatin Rs. 6,631 a la lut anga chhut a ni ve bawk. World Bank-in sum lak luh dan a ṭhenhrannaah, FY 2023 chhung khan Sikkim leh Goa chiah India state zinga Upper Middle income category-a awm an ni tih Ind-Ra report chuan a tarlang.

Report hian India ram pumah Sikkim leh Mizoram chu PCI sang zual 10 zingah an tel pha tih a tarlang tel bawk. Hmarchhak state zingah Mizoram chu kum 10 chhunga mimal sum lak luh a ṭhan chakna ber a ni tih tarlangin, FY 2014 khan ram pumah 15-na ni mah se, FY 2023-ah erawh top 10-ah an lang tawh a ni. Assam chu ram pum huapin 23-na niin Arunachal Pradesh, Tripura leh Nagaland aiin a hniam zawk a ni.