Shillong-ah zirlai naupang kidnap

Shillong-a Little Angel School Mawbah-a zirlai naupang pahnihte chu kar kalta Inrinni khan an ni.

Naupang kidnap-te hi class VIII zirlai Diksha Sunar leh Rajni Biswa te an ni a, an exam zo school pawna an ding chu mi pahnih chuan car-ah an nam lut a ni. Car chhungah hian mipa pali an chuang a, an mi man te hi Rilbong an panpui nghal nia hriat a ni. Hmeichhe naupang pahnih te hi an man hnu hian au chhuak lo turin an vau zui a ni. Vannneih thlak takin hmeichhe naupang pahnih te hi car atang hian a mantuten zu an lak laiin an tlan chhuak a, Barapathar an pan nghal a ni.

Jhalupara police outpost-ah thubuai ziahluh nghal a ni a, hemi chungchangah hian CSWO general secretary Evangeline Thabah chu inhnamhnawih ngei nia hriat a ni. An motor hman hian number a nei lo tih hriat chhuah a ni tawh bawk.

Naupang pahnihte hian police an hrilh dan chuan, an exam dawn ni hian an school bulah mi pakhat t-shrit sen ha chu an hmu tih sawiin , he pa bawk hi an exam zawh hnua pawna an chhuah hian an hmu leh tih an sawi.

Ningani khan hmeichhe naupang pakhat kum 12 mi Mehak Banu, Mawbah ami chu rukbo a lo ni tawh bawk. Mehak hi pawl ruk zir lai a ni a, scooter-a chuang pakhat chuan dawt hrilhin a hruaibo a, a hnu lawkah car pakhat chuan a zui ve nghal nia hriat a ni. A hnuah an mi rukbo hi Upper Shillong an kalsan a ni. Police te chuan he thil thleng hi Inrinni-a school naupang pahnih rukbo nen inzawmna neiin an hria a, an chhui zui mek a ni.