Manipur Cabinet-in zirtirtu 1,671 dah remti

Manipur State Cabinet meeting chu Inrinnni khan neih a ni a, meeting chuan zirtirtu 1,671 dah a remti. Zirtirtu lak tu te hi Primary, Upper Primary, Graduate Teachers, Office Assistants leh Multi Tasking Staff tur a ni, he thu hi Education Department hriattir an ni tawh bawk.

Meeeting hi Chief Minister O Ibobi Singh chuan a kaihruai a, CM Secretariat-ah neih a ni. Meeting hian Primary Teacher (489), SSA hnuaiah Upper Primary Teacher (455), Graduate Teacher (307), Office Assistant (204) leh RMSA hnuiah Multi Tasking Staff (126) te dah hi a remti ta a ni. Rural Development & Panchayati Raj and Economics & Statistics Minister leh sorkar thupuangtu ni bawk, Moirangthem Okendro chuan meeting chuan Die-in-harness scheme hnuaiah sorkar hna thawk tana increment 10% pek thin chu 20%-ah tihpun a remti tih a sawi. Minister chuan Sarva Shiksha Abhiyan (SSA) hnuaiah Primary School 173 zeta dah tur zirtirtu 346 lak a remtih a nih thu a sawi bawk.

Rashtriya Madhyamik Shiksha Abhiyan (RMSA) hnuaiah post 204 zet siam belh a ni dawn a, a hmaa post ruak awm sa 103 te chu hnawh khat tum a ni bawk. Junior High School/Upper Primary School 34 zet chu High School level-ah upgrade tura hmalak a ni bawk tih minister chuan a sawi.

SSA leh RMSA hnuaia zirtirtu lak turah hian Recruitment Rules (RR) hman a ni ang a, heng mite hian Die-in-harness scheme hnuiah increment 15% an la thei dawn bawk a ni. Heng bakah hian Minister chuan SSA leh RMSA hnuaiah hian Office Assistant post 204 leh Multi Tasking Staff 216 lak belh a ni dawn a, School Education Department chuan Autonomous District Council (ADC) tan post 120 a siam sak dawn bawk tih a sawi.

Cabinet meeting hian Rural Development & Panchayat Panchayati Raj Department hnuaia Rural Engineering Department (RED) leh Manipur State Rural Roads Development Agency (MSRRDA) te tihchangtlun a remti bawk a, RED hi MSRRDA Chief Engineer chuan a enkawl dawn a ni. PMGSY Phase X hnuaiah MSRRDA hian cheng vaibelchhe 2,790 hmangin kawngpui leh lei eng emaw zat a dawh tawh a ni. Tunah hian cheng vaibelchhe 1,629 hmangin scheme phase 1 leh phase 11 kalpui tura ruahman leh mek a nih thu Minister Okendro chuan a sawi bawk.

State sorkar chuan thingtlang khua 105 zet kalpawhna tur lei leh kawngpui km1,083 zeta thui siam tumin hma a la meka, he mi atan hian cheng vaibelchhe 487 ruahman a nih thu Rural Development & Panchayati Raj and Economics & Statistics Minister Moirangthem Okendrochuan a sawi bawk a ni.