Assam-ah Foreigner’s Detention Centre din dawn

Assam state Home Department chu foreig-ners’ detention centre din phalsak a ni a, India rama foreigners’ detention centre lian ber tur a ni dawn.

Sorkar laipui chuan hemi atan hian sum a ruahman sak thuai dawn nia tarlan a ni. Tunah hian Assam chuan detention camp paruk a nei mek a, an indaih loh hle nia tarlan a ni bawk.

Home Department hian Additional Director Gene-ral of Police (Border) chu he mi chhungchangah hian Detailed Project Report (DPR) siam turin a lo hriattir tawh a ni. Foreigner’s Detention Centre din nan hian state sorkar chuan Goalpara district-a Dakurbhita-ah ram bigha 20 zet a ruahman fel tawh a ni.

Assam-ah hian ṭhen-awm ram aṭanga dan loa lut an pung chak hle a, hemi khuakhirh nan leh ven nan hian state sorkar leh sorkar laipui chuan hma an la ve reng a ni. Foreigner’s Detention Centre din a nih hnu chuan an harsatna tam tak sut kian theih rin a ni.

Tunah hian state sorkar chuan detention camp paruk Goalpara, Kokraj-har, Silchar, Dibrugarh, Jorhat leh Tezpur-ah te a nei mek a ni.