Assam-ah ramngaw chereu nasa ber

Global Forest Watch chuan ramngaw chereu dan a zir chianna tichhuakin, India hmarchhak state zingah Assam ramngaw a chereu chak ber tih an tarlang. Assam bakah Mizoram, Arunachal Pradesh, Nagaland leh Manipur-ah ramngaw a chereu nasa hle niin an tarlang tel bawk.

Report tihchhuahah hian kum 2001 aṭanga 2023 inkar khan India chuan ramngaw hi hectare mtd 2.3 a hloh nia tarlan a ni a, India ram pumin ramngaw a hloh zat aṭanga 60% chu hmarchhak state panga Assam, Mizoram, Arunachal Pradesh, Nagaland leh Manipur-a thleng a nih thu an tarlang.

Assam chuan kum 2001 aṭanga 2023 inkarah ramngaw hectare 324,000 an hloh hman nia tarlan niin, Mizoram chuan hectares 312,000 a hloh bawk. Arunachal Pradesh-in hectare 262,000, Nagaland-in hectare 259,000 leh Manipur-in an ramngaw hectare 240,000 an hloh tih tarlan a ni. Zir chianna neih hun chhung hian India-ah chuan kum 2017 kha ramngaw a chereu nasat ber kum a ni thu an tarlang.