Sikkim : Inthlan kaihhnawih buaina a chhuak zing

Sikkim chuan assembly inthlan a hmachhawn dawn a, inthlan kaihhnawihah hian buaina a chhuak zing hle.

Eptu pawl Sikkim Democratic Front (SDF) candidate, Tenzing Norbu Lamtha lirthei chu mi tu tih hriat lohte'n an suasam. He buaina hi Pathiannia thleng niin lirtheia chuangte hian beih an tawh avang hian hliam tuar pawh an awm a ni. Lirthei hi SDF hian Syari biala campaign nana an hman lai nia tarlan a ni. Inthlan lo awm tur boruak pawh a sosan phah hle.

Citizen Action Party (CAP) chuan Sikkim chhunga buaina chhuak leh inthlan kaihhnawia sum leng vel tam lutuk chu mangan thlak an tih thu an sawi a, inthlan zahawmna humhim tura hmalak a ngaih thu an tarlang. LP Kafley, CAP chairman chuan Model Code of Conduct bawhchhiaa politics vanga buaina chhuak ṭhin chu pawi a tih thu a sawi a, Sikkim hmun hrang hrangah buaina chhuak a tam hle a ni, a ti. Inthlan boruaka sum leng vel tamzia chu checkpoint hrang hranga sum man ṭhahnem tak chuan a tihchian thu a sawi bawk.