Arunachal-in High Court hran neih tum

Arunachal Pradesh sorkar chuan High Court neih tumin hma a la mek a, sorkar laipui pawhin hma a lakpui mek.

High Court din a nih theih nan hian NITI Aayog (Planning Commission) leh DoNER Ministry te chu dawr an ni tawh a, ruahman dan chuan State Capital-ah High Court complex hi din tum a ni. NITI Aayog chuan hmarchhak state zinga High Court la awm lohna Arunachal-ah hian din a remti tawh nia tarlan a ni.

Chief Minister, Kalikho Pul chuan High Court Complex hi State capital Itanagar-ah din tura hmalak mek a nih thu sawiin, Public Works Department te chu hnathawktu atan thlan a ni, a ti. Chief Secretary chu detail project report (DPR) thehlut thuai tura hriattir a nih tawh thu a sawi bawk.