Hmarchhak-a rel service titawp lailawk

Hmarchhak Assam, Tripura, Manipur leh Mizoram-a rel service te chu hmarchhak hmun hrang hrangah leimin a nasat avangin tihtawp lai lawk a ni a, Zirtawpni aṭangin dan pangngaia tlan tir leh a ni ang.

Southern Assam leh North Cachar Hills district-ah te hmun tam takah lei min a awm tih sawiin, lung hraw tak tak te chuan hmun tam takah rel kawng a dang a, Fidhing-a rel kawng metre 100 zet chu thenfai a nih tawh thu Northeast Frontier Railway (NFR) official chuan a tarlang. Rel kawng thenfai nan hian hun a la duh rei deuh dawn avangin mipuite hriatthiamna an ngen a, Zirtawp aṭangin dan pangngaia tlan tir leh theih an beisei thu an sawi.

Railway officials leh engineers te chuan rel kawng thenfai hna hi an vil reng a, ngawrh taka thawh chhunzawm zel a ni. NFR chief public relations officer Pranav Jyoti Sharma chuan Guwahati - Silchar, Silchar-Guwahati Kanchanjunga Express te chu May 5 thleng cancel a nih thu sawin, harsatna dang a awm loh chuan vawiin atang hian a tlan ṭan leh ang. Kanchanjunga Express hi February 1 aṭang khan a tlan ṭan a, Silchar leh Sealdah, Kolkata via Guwahati te a service mek a ni.

Tripura sorkar chuan Food Corporation of India (FCI) hnenah ngenna siamin fur ruahtui tam tak tak hmaa, buhfai chhek klhawl sak turin a ngen a ni. Guwahati-Silchar railway line hi Barak Valley, Tripura, Manipur leh Mizoram te chuan an ṭangkaipui rih hle a, bungrua leh eitur lakkhawmna kawng pawimawh tak a ni.

Hmarchhak state te chu rel kawng hian pawh tawh mahse la, ruah sur leh leimin a nasat avangin kawng hrang hrangah harsatna a awm mekm a, state
ṭhenkaht chuan furpui thlen tak tak hmaa mipui chakkhai lakhawm turin hma an la mek a ni.