AASU ten Tawang-a thil thleng dem

All Assam Students’ Union (AASU) chuan Tawang, Arunachal Pra-desh-a anti-mega dam protestor te leh police inkara inbeihna thleng chu pawi an tih thu sawiin, an dem tak zet tih an sawi.

AASU President Dipanka Kumar Nath leh general secretary Lurin Jyoti Gogoi te chuan sorkar laipui chu Tawang hmuna tuikhua siam tuma hmalak mek chu uluk lek chik zawka endik tura an phut thu sawiin, mipuite harsatna tawh theih te zirchiang turin an ngen a ni. AASU hruaitute chuan Sorkar laipui chu hmarchhak leilung hrechiang leh a nghawng theihte hretu mithiam te rawn turin an ngen a, Arunachal Pradesh-a tuikhuah chuan Assam pawh nasa takin a nghawng theih dawn niin an sawi a ni. Tawang-a tuikhuah siam tur hi pawl hrang hrang 25 zet te chuan an dodal mek a ni.