JCILPS ten Convention hmang

One-day peoples’ convention on the Inner Line Permit System chu Thawhṭannni khan Manipur Dramatic Union hall-ah Joint Committee on Inner Line Permit System (JCILPS) te buatsaihin neih a ni. JCILPS te chuan India President, Pranab Mukherjee chu State Assembly-in a lo pass tawh Anti-Tribal Bill pawmpui lo turin an ngen.

JCILPS convener Ibotombi Khuman chuan JCILPS chuan he Bill sut leh a nih theih nan a tawp thlenga beih an tum thu sawiin, state sorkar chu he Bill pawmpui tura President nawr lo turin an ngen tih a sawi.

Convention-ah hian demand pathum an siam a, political party te chu Chief Minister Okram Ibobi Singh kaihhruainain ‘High power delegation’ team din tur leh Chief Minister Okram Ibobi Singh chu President hnenah he Bill pawmpui lo tura ngen tura an tih bakah, hemi chuangchang President sawipui tura aiawh intirh te an rel a ni. Hei bakah hian Election Commission of India chu special electoral roll summary revision, Imphal Municipal Council election hma ngeia nei turin an ngen.

Imphal-ah hian ram leilung fa ni lo voter list-a telh eng emaw zat an awm niin Joint Committee on Inner Line Permit System te chuan an sawi a ni.