Manipur-ah curfew puang

Manipur-a Wangkhei Hijam Leikai-ah Thawhṭanni khan buaina chhuakin curfew puan nghal a ni.

Buaina chhuah chhan hi godman zuitu leh mipuite intih thiam loh vang a ni a, mi parukin hliam an tawrh bakah, lirthei eng ermaw zat chu tih chhiat a ni. Imphal East District Magistrate M. Joy chuan he lai bialah hian curfew a puang nghal. Lirthei chhe zat hi 30 vel a ni a, car leh auto-rickshaw 13 zet chu a kang a ni.

Official te chuan he lai hmunah hian venhimna khauh zawk kenkawh nghal a nih thu sawiin, tun hi mipui te leh godman henchmen te inkara buaina a chhuah vawi hnihna an nih thu an sawi. godman te hian naupang chu thil chi hrang hrang an zirtir ṭhin a, an rinna kalh thil te pawh an zirtir ṭhin nia tarlan a ni. Hemi chungchangah hian godman te chuan naupangte chuan an duh thu ngeia zir an nih thu an sawi ve thung. Naupang nu leh pa te chu Thawhṭanni khan lakkir tumin temple-ah hian an kal a, godman te hian remti loin buaina hi a chhuak zui ta a ni. Police te chu che chhuak nghalin, mipui hnawh darh nan tear gas an hmang a, buaina a chhuah leh venthawn thuah curfew puan a ni nghal bawk.