Assam-in 'Best State Promoting Sports 2020' award dawng

Assam chu Federation of Indian Chambers of Commerce and Industry (FICCI) India Sports Awards 2020 ngaihhlut tak, 'Best State Promoting Sports' hlan a ni. 

Award hlanna inkhawm hi hripui leng vangin December 8 khan virtual-a neih a ni a, Assam chu an state chhunga sports lama hmasawnna tura a hnathawh avangin he chawi­mawina hi hlan a ni.

Chawimawina hi Sports Authority of Assam director general Onkar Kedia-a'n a dawng a, state sorkarin tunhnaia sports chawikanna tura a hmalakna hrang hrang leh hlawhtlinna a neih te, Khelo India Youth Games, 2020  hlawhtling taka a buatsaih dante a sawi lang.  

Assam bakah Madhya Pradesh state chu 'Best State Promoting Sports' award hi hlan a ni bawk.