Manipur-ah ruihho leh dan loa bungraw lakluh cheng vaibelchhe 165 hu man a ni

Assam Rifles, Manipur police leh Narcotics Control Bureau-te chuan Thawhṭanni khan Myanmar ramri bula Moreh khuaa hmun pahnih dapin, ruihhlo leh dan loa bungrua lakluh cheng vaibelchhe 165 hu an man. 

Assam Rifles (South) in press statement a siamah ruihhlo leh bungrua tam tham tak man a nih thu hi a tarlang a ni. 

An thil man zingah hian foreign siam pistol, silai leh silai mu pawh an tel tih a sawi. 

Heng ruihhlo leh bungrua neitu nia rinhlelh, Myanmar mi pahnih leh India mi pali an man tel bawk. 

AR sipaite hian Thawhlehni khan Chandel-a Larong-Khongjol route-ah Myanmar aṭanga ruihhlo tawlhruk tum, cheng vaibelchhe 2.92 hu an man leh bawk a ni. Ruihhlo mante hi Chandel police-te hnenah an hlan a ni.