Tribal museum siamna tur ngaihtuah ṭha turin Manipur hrilh
Sorkar laipui chuan Manipur sorkar hnenah Tribal Freedom Fighters' Museum siam a tumna hmun chu ngaihtuah ṭha turin a hrilh.
State sorkar chuan tribal woman freedom fighter Rani Gaidinliu hriatrengna puala siam tur, Tribal Freedom Fighters' Museum hi Senapati district-a Makhel khuaah siam a tum a ni. Nikum September thla khan museum siamna tur lungphum hi phum a ni tawh a, he project atan hian cheng vaibelchhe 50 chuang ruahman a ni bawk.
Mahse Assam, Manipur leh Nagaland-a Zeliangrong Civil Organisation (ZCO) hrang hrangte chuan sorkar laipui leh state sorkar hnenah musuem hi Zeliangrong area-ah siam turin an ngen thung.
Union minister of tribal affairs Arjun Munda chuan museum siamna tur hmun hi ngaihtuah ṭha tur leh, hna thawh tur tihkhawtlai rei chung changah hma la thuai turin chief minister Biren Singh chu a hriattir a, museum hming leh a sakna tur hmun chungchangah tribal hnamte duhdan chu ngaihtuah turin a ti bawk.