Bandh huaihawtin nunphung tikhaihlak

Manipur-a Joint Action Committee ten darkar 24 awh bandh an huaihawt chuan zawm a hlawh hle a, hriat theih chinah boruak duhawm loh thleng a awm lo.

JAC te hian Prasanta thah a nih avanga lungawi loin Kakwa leh Lilong-ah bandh hi an huaihawt a ni. JAC ten bandh an huaihawt hi darkar 24 dang chhunzawm leh a ni a, Joint Committee on Inner Line Permit System (JCILPS) ten May 5 zan lai aṭanaga curfew darkar 42 awh an puan ve bawk avangin mipui veivak hmuh tur an awm lo.

JAC ten bandh an huaihawt avang hian Singjamei leh Canchipur velah chuan nunphung a khaihlak nasa hle. Singjamei market pawh khar a la ni reng a, Singjamei leh Canchipur-in karah te lirthei che vel hmuh tur a awm lo bawk. Bandh huaihawttute hian kawngpui an dan avang hian lirthei che vel hmuh tur a awm meuh lo. Manipur khawpui pawh bandh hian a nghawng nia hriat a ni a, hmun dang ang chuan a nasa lo thung. Mahse Imphal-ah chuan Fuel station leh market te khar a ni a, lirthei vak vel hmuh tur a tam lo hle bawk.

Joint Committee on Inner Line Permit System (JCILPS) ten state assembly-in nikum August 31-a bill pathum a lo pass tawh duh loh vanga sorkar nawr nana May 5 zanlai aṭanga curfew an puan pawhin thlawp a hlawh hle a ni.