Myanmar-ah Moreh mi pahnih kaphlum

Manipur-Myanmar border-a buaina chhuak ṭhin chuan ziaawm lam a pan thei meuh lo a, Wuksu Myanmar-ah tunhnai khan India mi pahnih kahhlum an ni leh tawh.

Report-a tarlan a nih dan chuan heng mi pahnih te ruang hi India thuneitute kutah hlan a ni ang. Security force te chuan he thil thleng hi an hriatpui lem lo nia hriat a ni a, venhimna lam khauh zawka kalpui a ni ang.

India mi an kahhlum tak te hi Mohammad Kheruddin (28) leh Mohammad Jalanuddin (32) te an ni a, ramri depa awm Moreh-a cheng an ni. May 2 khan Moreh aṭang hian chhuakin Myanmar-ah hian sangha man tura kal an ni a, an let leh tawh lo a ni. Nilaini zan khan Bullet pahnih chu Wuksu-ah hian hmuh a ni thu tarlan a ni a, police te chuan thil chiang zawk hriat tumin hma an la nghal.