ACAUT ten zangnadawm-na pe turin NHIDCL ngen

Nagaland-a Against Corruption and Unabated Taxation (ACAUT) chuan National Highways & Infrastructure Deve-lopment Corporation Ltd (NHIDCL) hnenah ngenna thlenin, 4-lane highway project kalpui mekin a nghawng Dimapur district-a ram neitute hnenah zangnadawmna pe turin an ngen.

ACAUT te hian Nilaini khan thuchhuah siamin, zangnadawmna chu 2016 revised rate hmanga pe chhuak turin an ngen a, chu chu ram neitute duh dan a nih thu an tarlang. NHIDCL ten a hun laia ram neitute hnena zangnadawmna an pek tur aiin a sang fe tura ngaih a ni.

ACAUT chuan ram neitute hnenah hian zangnadawmna pek an nih ngei tur thu sawiin, nominal rate chu hman a ni dawn a, 2016 revised rate hman a rem lo tih an sawi.

Ram neitute chuan zangnadawmna an dawn tur tih khawtlai a nih avang hian an sum dawn tur chu District dang leh Assam a mi te aiin a tlem dawn niin an sawi ve thung.

Against Corruption and Unabated Taxation chuan zangnadawmna pek chungchangah hian National Highways & Infrastructure Deve-lopment Corpo-ration Ltd chu ram neitute ngaihthah-ah an puh a, zangnadawmna hi pe chhuak thuai turin an phut tih an tarlang.