Gauhati HC-in report theh luh tlai avangin SIT a zilh

Assam Public Service Commission (APSC)-in exam a buatsaiha thil felhlel awm nia hriat chhui chiang tura ruat, Special Investigation Team (SIT) chuan Gauhati High Court hnenah an thil chhui chianna report theh lut mah se, hun tiam chhung a pelh chhan sawi fiah turin High Court chuan SIT hi a hriattir.

APSC-in exam a buatsaihah eirukna bakah pawikhawihna lian tak a thleng ngei nia hriat a ni a, court-a thubuai kal lai mek niin mipui lamin an ngaihven hle a ni. SIT lamin chhui chianna report a theh luh tak avang hian thudik hailan ngei a nih beisei a ni a, eirukna a awm ngei em tih leh mi eng zat nge dik lo taka thil lo ti tihte SIT report hian a tarlan beisei a ni.

Gauhati High Court-in thubuai a chai lai mek hi 'APSC cash-for-job scandal' tia hriat lar a ni a, thil dik lo tiah APSC a thawkte bakah chairman thlenga puh an ni a, exam mark tihdanglam kawngah an inhnamhnawih nia hriat a ni. Dik lo taka an thiltih avang hian exam zinga tling phak lo tur tam tak an tlin phah nia sawi a ni bawk.