Assam : NIPER leh ASEAN University-te'n inremna thuthlung ziak

National Institute of Pharmaceutical Education and Research (NIPER), Guwahati leh ASEAN-India Network of Universities (AINU) chuan thawhhona tur inremna thuthlung (MoU) an ziak.

He MoU hian zirtirtu leh zirlaite intlawh tawn a, thawhona kawng a hawn dawn bakah zirbingna leh PhD supervision thleng pawn NIPER Guwahati leh Southeast Asia a ram hrang hrang- Brunei, Cambodia, Indonesia, Laos, Malaysia, Myanmar, Philippines, Singapore, Thailand leh Vietnam-a university hrang hrangte an thawkho thei dawn a ni. NIPER director Dr. USN Murty chuan AINU an zawm ve thei tur chu an lawm hle tih sawiin, zirtirtute leh zirlaite tan kawng a inhawn zauh belh sawt dawn tih a sawi.

AINU hi ASEAN university-te inkara thawhhona ṭha a awm theih nana India prime minister, Narendra Modi hmalakna pakhat niin kum 2022 aṭanga bulṭan a ni. AINU hnuaia university hrang hrang inthlunzawmte hi thawkhoin zirlaite bakah zirtirtute pawhin an hlawkpui hle. Prof. Abhay Kumar Singh, Nalanda University vice chancellor chuan zirtirtute tan pawha AINU pawimawhzia sawiin, Asia ram danga hmasawnna leh hriatna awmte haichhuah nan a ṭangkai hle a ni, a ti.