Assam Speciality tea kg khat Rs 75,000-in hralh

Guwahati Tea Auction Centre (GTAC)-a Ningania Assam Speciality Tea lilam chu kg khat Rs 75,000-in hralh a ni. 

Guwahati Tea Auction Buyer's Association (GTABA), secretary, Dinesh Bihani chuan lilamnaa an hralh hi Manohari Gold Specility Tea a nih thu a sawi. He thingpui tui leh dangdai tak  zuartu hi Contemporary Brokers Private Limited a ni a, Guwahati-a tea trader Vishnu Tea Company chuan kg khat Rs 75,000 in a lo chhang a  ni. 

Bihani chuan hripui lengin khawvel pum a tihbuai laiin, Manohari Tea Estate chuan September thla khan thingpui tui leh dangdai tak siamin theihtawp a chhuah a, a siam zawh hnuah lilam turin GTAC-ah a rawn thawn a ni, a ti. Nikum khan anni thingpui siam bawk hi GTAC-ah hian kg khat Rs 50,000 in hralh a lo ni tawh bawk.