Tuilian laka Guwahati venna tur 'Mission Flood Free' tlangzarh

Guwahati khawpui tui lian laka venhimna turin 'Mission Flood Free' neih a nih tur thu Assam chief minister Himanta Biswa Sarma chuan a puang. He mission hnuaiah hian tuilian nasa lutuk ṭhin chu a tihziaawm dan kawng zawn a nih dawn bakah tuilianin chhiatna a thlen ṭhinte tihziaawm tum a ni bawk.

Chief Minister Himanta hian khawpui chhunga tuilian ṭhin chuan mi tam tak tan tawrhna a thlen tih sawiin, tuilianin chhiatna a thlente tihziaawm nan leh tuilian a thlen loh nan a rang thei ang bera hmalak a ngaih thu a sawi. Mission Flood Free hnuaiah hian tui luan kawr siam ṭhat a nih bakah tui lian dangtu siam leh tui lungral tur ṭangkai zawka hman dan inzirtirna pawh a tel dawn a ni. Himanta hian sorkar agency, veng chhung thuneitu leh mipuite chu 'Mission Flood Free' program-ah hian inti neitu taka tel turin a sawm.