Arunachal : Dan kalha zirtirtu lak avangin education officer man

Arunachal Police-a Special Investigation Cell (Vigilance) chuan school education deputy director hlui, Talem Jamoh (61) chu dan kalha primary zirtirtu leh staff ṭhenkhat lak chungchangah inhnamhnawihna a nei nia hriat a nih avangin an man.

Dan dik lo hmanga primary zirtirtu leh staff eng emaw zat lak hi Siang district-a thleng niin, hemi chungchangah hian Tajing Saroh chuan complaint a theh lut a ni.

SIC (Vigilance) superintendent of police, Anant Mittal chuan uluk taka document zir chianna an neih thu leh an mi rinhlelh thu an zawh fiah bakah chhui chianna hrang hrang an kalpui hnuah deputy director hlui chu man a ni tih a sawi. SIC chuan thubuai hi chhui zui mek a nih thu leh, case kaihhnawih thil pawimawh hrang hrang chu uluk taka zir chian a nih thu an sawi bawk.